Eskobaren arauak

Karta bakoitzak zenbat balio duen

Nola jokatzen den

1. Banatzen dira 3 karta bakoitzari eta mahaian jartzen dira 4 ahoz gora. Lau horiek 15 egiten badute, banatzen duenaren eskoba dira (bi eskoba, 15eko bi taldetan bana badaitezke).
2. Txandaka, bakoitzak karta bat botatzen du. Harekin eta mahaiko batekin edo gehiagorekin 15 egiten bada, bere pilara eramaten ditu. Bestela, karta mahaian geratzen da. Jasotzea ez da derrigorrezkoa.
3. Eramaten baduzu mahaian dagoen guztia, hori da eskoba: puntu bat.
4. Inork kartarik ez duenean, beste 3 ematen zaizkio bakoitzari (mahaiari ez) sorta amaitu arte.
5. Amaieran, mahaian geratzen dena azkenekoz jaso zuenarentzat da (ez da eskobatzat hartzen).

Txandaka eskuinera jokatzen da, musean eta tutean bezala. Eskua aldatzen joaten da: erronda bakoitzean hurrengoak banatzen du.

Puntuak

Erronda bakoitzaren amaieran, bakoitzak bere pilan duena zenbatzen da:

• Eskoba bakoitza: puntu 1.
• Urreetako zazpikoa («velo»a): puntu 1.
• Karta gehien: puntu 1.
• Urre gehien: puntu 1.
• Zazpiko gehien: puntu 1.

Bik kartetan, urreetan edo zazpikoetan berdinketa egiten badute, puntu hori ez da inorena. Partida 15, 21 edo 31 puntura da (hasieran aukeratzen da). Erronda baten amaieran norbait iristen denean, gehien duenak irabazten du; goian berdinketa badago, beste erronda bat jokatzen da.

Naiperan

• Bakoitza bere kabuz jokatzen da, laurekin ere bai. Bikoteak geroago etorriko dira.
• Ez dago punturik «setenta»gatik, ezta urre guztiak edo zazpiko guztiak izateagatik ere.

Iturriak

Etxe bakoitzak bere erara jokatzen du. Banaketa, balioak eta banatzean egindako eskoba hemendik hartu ditugu: Buenos Airesko probintziako Jokoen araudia; puntuak, berriz, Espainian kontatzen diren bezala (zazpiko gehien «setenta»ren ordez), hemen bezala: El Español.